DERBI I XHIROS 19 ZHVILLOHET SOT NË KRYEQYTET

Prishtinë(AsistiOnline) – Pa dyshim që një përballje shumë interesante na pret sot në kryeqytetin e Kosovës në duelin që vlerësohet si derbi i xhiros 19 në ArtMotion Superligën e Kosovës.

Sigal Prishtina dhe Rahoveci do ti masin forcat mes vete, për të synuar fitoren e cila do ishte shumë e vlefshme për vijimin e kampionatit i cili sivjet është bërë shumë interesant.

Deri tani, bardhekaltërit kanë nëntë fitore e nëntë humbje, kurse ‘vreshtarët’ numërojnë gjashtë fitore e 11 humbje. Derisa rëndësia e përballjes bënë që të thuhet se takimi pritet të jetë shumë rivalizues.

Sfida fillon nga ora 17:00 dhe transmetohet direkt në Art Sport 1 si dhe KLAN KOSOVA nën-komentin e Agon Fehmiut.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/