BASHKIMI MPOSHT PRIZRENIN 16 DHE KOMPLETON GJYSMËFINALISTËT E KUPËS

Prishtinë(AsistiOnline) – Bashkimi është skuadra e fundit gjysmëfinaliste e Kupës së Kosovës për vitin 2022.

Portokallinjët e kanë mposhtur Prizrenin 16 në derbin lokal me rezultat të përgjithshëm 69-94.

Bashkimi e nisi shumë më mirë duelin duke e fituar çerekun e parë thellë 15-30 e në të dytin Prizreni 16 u këndell dhe u rikthye fuqishëm në lojë duke e fituar atë (21-10) dhe pjesa e parë u mbyll 36-40.

Në pjesën e dytë, Bashkimi u rikthye shpejtë te loja e mirë duke fituar dy periodat vendimtare (18-28, 15-26) të cilat i shërbyen për fitore meritore sonte.

Qendra amerikane John Florveus shkëlqeu te Bashkimi në këtë fitore me double-double 22 pikë e 11 kërcime, derisa u ndihmua edhe nga Julien Lewis me 25 pikë, Valon Bunjaku me 16, si dhe Corey Ross me 11 sosh.

Te Prizreni 16, basketbollisti i rikthyer Xavier Cannefax kishte 18 pikë e Courtney Fells shënoi 15 pikë.

Në gjysmëfinale Bashkimi do të takohet nesër me Golden Eagle Yllin.

/AsistiOnline.com/