GJYSMËFINALJA E PARË ELITE, SONTE MES TREPÇËS DHE PEJËS

Prishtinë(AsistiOnline) – Pas përfundimit të ndeshjeve çerekfinale dje dhe pardje, tashmë janë caktuar edhe çiftet gjysmëfinale të Kupës së Kosovës ndërmjet ekipeve elitare te meshkujt.

Përballja e parë gjysmëfinale është ajo mes Trepçës nga Mitrovica dhe mikëpritëses së eventit, Pejës.

Në çerekfinale mitrovicasit e mundën Rahovecin me rezultatin 77-57. Ndërsa, Peja e mposhti Prishtinën 91-86 dhe u kualifikua në këtë fazë.

Sfida fillon nga ora 17:00 dhe transmetohet direkt në Platformën Artmotion në KSport

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/