FINALJA SONTE, TREPÇA E MOTIVUAR APO SENZACIONI I QUAJTUR BASHKIM

Prishtinë(AsistiOnline) – ”Final Eight” i zhvilluar në qytetin e Pejës për 4 ditë të kësaj jave, mbyllet sonte me finalen e madhe në konkurencën elitare të meshkujve.

Pas një lufte të madhe në fazat çerekfinale dhe gjysmëfinale, Trepça e Mitrovicës dhe Bashkimi i Prizrenit sonte do të ndeshen mes vete për të synuar fitoren e madhe e cila do t’ju siguronte trofeun e çmuar të basketbollit tonë.

Deri tani në histori,  ‘xehetarët’ e kanë fituar katër herë këtë trofe, ndërsa ‘portokallinjët’ e kanë në sirtar një herë.

Sfida fillon nga ora 18:00 dhe transmetohet direkt në Platformën Artmotion në ArtSport 1 si dhe KLAN KOSOVA.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/