TREPÇA FITON KUPËN E KOSOVËS PËR VITIN 2022

Prishtinë(AsistiOnline) – Trepça është fituese e Kupës së Kosovës për vitin 2022 në kategorinë elitare seniore.

Ekipi mitrovicas ka arritur të mposhtë sonte Bashkimin e Prizrenit në një super-ndeshje në “Karagaç” me rezultatin final 76-62.

Fillimisht çereku i parë i takoi Bashkimit 19-26, derisa i dyti ishte i Trepçës 18-10 dhe pjesa e parë u mbyll me vetëm një pikë dallim në favorin e Trepçës 37-36.

Në pjesën e dytë, Trepça e fitoi fillimisht çerekun e tretë 16-15, derisa në të fundin e vulosi fitoren me fitimin e tij (23-11).

Basketbollistët më meritorë të Trepçës në këtë triumf me vlerë trofeu sonte ishin, Drilon Hajrizi me 24 pikë, Andrew Gordon me 21 dhe Amin Hot me 15 sosh.

Derisa te Bashkimi përkundër luftës së madhe, nuk mjaftuan assesi për fitore, Julien Lewis me 16 pikë dhe Valon Bunjaku e John Florveus me nga 14 pikë secili.

Është ky trofeu i pestë rresht i fituar i Kupës së Kosovës për Trepçën e Bashkimi mbetet me vetë një të tillë.

/AsistiOnline.com/