VIDEO LAJM: KUPAT NË FOLENË E KUPAVE  ASISTIN 482

Adhurues të basketbollit, ASISTIONLINE ju sjell ASISTIN 482 i cili i kushtohet tërësisht Final 8 të Kupës së Kosovës që sivjet u organizua në Karagaq të Pejës. Si zakonisht, ASISTI është vend i Kupave dhe trofeve të basketbollit dhe kështu është edhe kësaj here kur në studio i kemi jo një, as dy por tri Kupat e Kosovës të fituara në finalet e sivjetme.

EKSKLUZIVE:

Mysafirë në studio dhe për herë të parë në mediet shqiptare, të tre fituesit me një vend: Idoll Palushi kapiten i Neë Basketit, fituesit të Kupës së Ligës së Parë, Ulpiana Emra kapitene e KBF Bashkimit që e fitoi Kupën në konkurrencën e femrave dhe njeriu i cili me kthimin e tij në Trepçë e ktheu edhe trofeun në Mitrovicë, Drilon Hajrizi fitues i Final 8 Kupës së Kosovës 2022 për Meshkuj dhe MVP i finaleve.

Por para bisedës ekskluzive me tre heronjtë e këtij edicioni të Kupës së Kosovës , fluturimin numër 482 basketbollistik me ASIST gjatë të cilit do të shohim gjithë atë që ndodhi në  festivalin pesë  ditor të basketbollit kosovar në Karagaq të Pejës, do ta prezantojmë hapjen zyrtare e cila sivjet ishte më e veçantë se zakonisht sepse ky edicioni i Kupës së Kosovës iu dedikua njeriut i cili bëri shumë për basketbollin pejan dhe atë kosovar në përgjithësi por i cili fatkeqësisht më nuk është në mesin tonë, mikut tonë të ndjerë Agim Llukës, mikut të mbarë familjes së basketbollit të Kosovës.

Pas hapjes zyrtare dhe ceremonisë e cila emocionoi gjithë të pranishmit në Karagaq dhe qindra mija shikues pranë ekrane televizive , ASISTI 482 sjell përmbledhjen e gjitha ndeshjeve nga dueli gjysmëfinal në konkurrencvën e femrave Penza – Bashkimi e deri te Finalja fantastike e Kupës së Kosovës për Meshkuj, Trepça – Bashkimi që ishte reprizë identike e finales së vitit 2012.

EKSKLUZIVE: Mysafirë në studio dhe për herë të parë në mediet shqiptare, të tre fituesit me një vend: Idoll Palushi kapiten i Neë Basketit, fituesit të Kupës së Ligës së Parë, Ulpiana Emra kapitene e KBF Bashkimit që e fitoi Kupën në konkurrencën e femrave dhe njeriu i cili me kthimin e tij në Trepçë e ktheu edhe trofeun në Mitrovicë, Drilon Hajrizi fitues i Final 8 Kupës së Kosovës 2022 për Meshkuj dhe MVP i finaleve.

Krejt në fund, ASISTIONLINE sjell aksionet fan-ta-sti-ke të edicionit të sivjetmë të Kupës e Kosovës

Adhurues të basketbollit, kënaquni në vazhdim me ASISTIN 482 dhe natyrisht ZEMRAT TUAJA LE  T’ I NGROH DASHURIA PËR BASKETBOLL.