NBA-LOJTARI JOSH SELBY PRITET TË TRANSFEROHET TE PEJA!

Prishtinë(AsistiOnline) – Ardhja e trajnerit të famshëm kroat te Peja, Daniel Lutz nuk pritet të jetë risia e vetme e bujshme te ekipi verdhezi.

Me zbarkimin e strategut kroat te Peja, pritet të vijnë edhe disa transfere të reja me nam, sidomos një plejmejker i cili ka përvojë edhe në NBA, liga më e fortë e basketbollit në botë.

AsistiOnline.com ka arritur të mësojë edhe emrin e transferit i cili pritet të bëhet pjesë e Pejës për pjesën e mbetur të edicionit për të cilin pejanët janë në garë për dy trofe.

Fundori nga SHBA-të, Josh Selby i gjatë 188 centimetra dhe i cili luan në pozitën 1, pritet të bëhet pjesë e KB Peja.

Lojtari në fjalë përvojën më të këndshme në karrierë e ka në NBA, ku për dy sezone rresht (2011/12 dhe 2012/13) ishte paraqitur me Memphis Grizzlies në 36 ndeshje.

Në sezonin 2021/22, Selbu ka luajtur në Lituani me Pieno Zvaigzdes në vetëm 3 ndeshje me 8.7 pikë, 5 asiste e 2.3 kërcime për ndeshje, por që u largua para kohës nga ekipi.

Përpos Memphisit dhe Lituanisë së fundmi, Selby ka përvojë edhe në NBA G League, Kinë, Kroaci, Izrael, Turqi etj.

Sigurisht që nëse ky transfer finalizohet, do jetë prej ardhjeve më të bujshme në histori të basketbollit të Kosovës.

/AsistiOnline.com/