NXEHTË EDHE NË THERANDË, RIVALËT LOKAL NDESHEN MES VETE

Prishtinë(AsistiOnline) – Përballje e nxehtë sonte na pret edhe në palestrën ”13 Qershori” mes rivalëve lokal nga Prizreni që mbyllin xhiron e 20-të në ArtMotion Superligën e Kosovës.

Prizreni 16 që u mposht pikërisht nga Bashkimi para pak ditëve në çerekfinale të Kupës, sonte kërkon ‘hakmarrjen’ ndaj Bashkimit që arriti deri në finale dhe motivin për fitore sonte e ka në maksimum.

Në elitë, Prizreni 16 ka 11 fitore e gjashtë humbje, ndërsa Bashkimi ka tetë fitore dhe 11 humbje.

Sfida fillon nga ora 19:00 dhe transmetohet direkt në Platformën Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/