EKSKLUZIVE: SCOTT BAMFORTH I BASHKOHET KOSOVËS PËR NORVEGJINË

Prishtinë(AsistiOnline) – Përfaqësuesja e Kosovës A, gjatë ditës së sotme i ka nisur përgatitjet për ndeshjen e parafundit në grupin C të parakualifikimeve për Eurobasket 2025 ndaj Norvegjisë.

AsistiOnline.com ka mësuar ekskluzivisht se kampit të lojtarëve të Kosovës këtë herë do ti bashkohet edhe një basketbollist i natyralizuar, amerikani me përvojë të madhe, Scott Bamforth.

Plejmejkeri amerikan që ishte natyralizuar te Kosova në vitin 2016, pritet ti bashkohet Kosovës gjatë këtyre ditëve dhe të jetë gati për sfidën ndaj Norvegjisë që Kosova e zhvillon me 27 shkurt në Prishtinë.

Të kujtojmë se Bamforth ka karrierë tejet të bujshme me ekipe në nivel ndërkombëtar duke u paraqitur me Sevilla’n, Murcia’n, Bilbao’n (Spanjë), Dinamo Sassari’n (Itali), Buducnost’in (Mal i Zi) e së fundmi te Le Mans (Francë).

Në elitën franceze, Bamforth aktualisht po luan me mesatare prej 13.1 pikë (top-2 shënuesit e skuadrës), 4.2 asiste e 3.3 kërcime për ndeshje dhe skuadra e tij gjendet e 4-ta në tabelë me 12 fitore e 7 humbje.

Bamforth në vitin 2019 e ka fituar garën prestigjioze FIBA Europe Cup me Sassarin.

/AsistiOnline.com/