EKSKLUZIVE: BASHKIMI SHKARKON BRANIMIR PAVIQIN

Prishtinë(AsistiOnline) – Skuadra e Bashkimit e ka shkarkuar trajnerin e deritanishëm të skuadrës.

AsistiOnline.com ka mësuar ekskluzivisht se klubi që ditë më parë shkaktoi senzacion duke arritur deri në finale të Kupës elite të Kosovës, ka shkarkuar trajnerin Branimir Paviq.

Deri te ndarja e rrugëve mes palëve ka ardhur, pas pakënaqësive të drejtuesve të Bashkimit në lidhje me rezultatet në ArtMotion Superligë ku Bashkimi po rrezikon seriozisht të futet në zonën ”play out” me 6 humbje nga po aq ndeshje në stinorin pranveror.

Kroati i drejtoi portokallinjët në 26 ndeshje në total me bilanc prej 10 fitoreve e plotë 16 humbjesh, përfshirë garat e ArtMotion Superligës, Superkupën dhe Kupën e Kosovës.

Mbetet të shihet gjatë ditëve në vijim se kush do e marrë drejtimin e klubit më të vjetër në basketbollin e Kosovës.

/AsistiOnline.com/