VIDEO LAJM: ASISTI 483 KOMPLET – YJET E NBA NË STUDIO DHE SHUMË MË SHUMË

Adhurues të basketbollit,

ASISTI 483 është tejet i veçantë dhe special me mysafirë të jashtëzakonshëm: ylli i dikurshëm i NBA Jiri Welsch i cili ka luajtur për Golden State, Bostonin, Clevelandin dhe kampionët aktual Milwaukee Bucks është mysafir në studio për të shënuar fillimin e një programi jashtëzakonisht të rëndësishëm për fëmijët kosovar: Jr.NBA Program. Welsch, tash ambasador i Jr.NBA është mysafir së bashku me përgjegjësin e programit Jr.NBA për Kosovë, Adrian Carrion Armas.

Një super natë në ASIST sjell edhe pamjet ekskluzive nga kampi i parë i Jr.NBA në Kosovë kurse në fokus të ASISTIT 483 është edhe përgatitja e Kosovës për përballjen me Norvegjinë në kuadër të Parakualifikimeve për Eurobasketin 2025. Përballjen e rëndësishme me norvegjezët që na befasuan keq në Bergen me 25 nëntor 2021 duke na mposhtur, Dardanët që janë në kërkim të revanshit do ta zhvillojnë të dielën në palestrën Minatori, në Mitrovicë. Përveç analizave të përgatitura nga ASISTI për këtë do të bisedojmë me trajnerin dhe analistin e rregullt në ASIST, Andin Rashicën

Kur jemi te palestra Minatori, duhet theksuar se kjo palestër ishte arenë e edhe një El Klasiko të basketbollit kosovar kur të premten e kaluar Trepça priti Sigal Prishinën në duelin dramatiki i cili shkoi në vazhdime.  Përveç përmbledhjes dhe analizave të gjitha garave vendore të  Artmotion Superligës, Superligës së Femrave dhe Ligës Unike të Femrave, ASISTI 483 sjell edhe analizën e Ligës Ballkanike dhe përfundimin e fazës së parë grupore.

Pra, ASISTIONLINE ju prezanton edhe një ASIST të pasur me shumë basketboll, shumë analiza dhe lajme nga vendi dhe sidomos nga NBA ku u zhvillua edicioni 71 i NBA All Star Game, përmbledhjen e të cilit gjithashtu do ta shikoni këtu.

BISEDA EKSKLUZIVE ME YLLIN E NBA – JIRI WELSCH (AMBASDOR I JR.NBA PROGRAME) DHE ADRIAN CARRION ARMAS – JR.NBA KOSOVA 2022

Adhurues të basketbollit para se t’i shikoni më posht Top Aksionet e Javës , ASISTIONLINE  ju fton që të dielën mbrëma të bëhemi bashkë dhe t’i përkrahim 12 viganët e basketbollit kosovar në përballjen me Norvegjinë e cila na mposhti në duelin e parë. Të dielën mbrëma nga ora 19:00, të gjitha rrugët e basketbollit qojnë kah palestra e zjarrtë Minatori ku do t’i përkrahim djelmoshat tanë në revanshin parakualifikues kundër norvegjezëve dhe tash natën e mirë po ju themi me TOP 10 aksionet fantastike të javës së kaluar

DERI TË HËNËN E ARDHSHME: ZEMRAT TUAJA LE  T’ I NGROH DASHURIA PËR BASKETBOLL.