E FUNDIT: IVAN KOLJEVIQ PRITET TI BASHKOHET RAHOVECIT!

Prishtinë(AsistiOnline) – Basketbollisti malazez, Ivan Koljeviq nuk po bëhet fare rehat me klubet kosovare.

Pas Trepçës dhe Prizrenit 16, sipas të gjitha gjasave ai do të paraqitet edhe me një skuadër tonën e që sipas informacioneve që ka AsistiOnline.com, do të jetë skuadra e Rahovecit me të cilët ka arritur marrëveshje.

Veterani 37 vjeçar te Prizreni 16 sivjet u paraqit me mesatare impresive prej 20.7 pikëve, 8.2 asiste e 5.3 kërcime për ndeshje, ndërsa te Trepça në stinorin 2020/21 10, poashtu kishte shkëlqyer me 20.4 pikë, 9.6 asiste e 4.8 kërcime për ndeshje.

Te Rahoveci, Koljeviq pritet të sjellë përvojë të madhe nga top-klubet evropiane si: Olimpiakos(Greqi), Bilbao(Spanjë), Lietuvos Rytas(Lituani), Buduçnost(Mal i Zi), Trikala(Greqi), Polpharma(Poloni), Khimki Yuzhny(Rusi) e shumë skuadra të tjera.

/AsistiOnline.com/