ZYRTARE: PEJA BËN GODITJEN E MADHE, RRËMBEN YLLIN E PRIZRENIT 16

”KB Peja njofton se ka nënshkruar marrëveshje me ish lojtarin e KB Prizrenit 16, amerikanin Courtney Fells. Lojtari në fjalë do jetë menjeherë në dispozicion të trajnerit”, thuhet në njoftimin e klubit verdhezi.

Deri tani Fells ishte paraqitur me ekipin e Arbnor Rifatit me mesatare impresive prej 22.2 pikëve, 8.5 kërcimeve e 3.7 asisteve për ndeshje, duke qenë prej lojtarëve më të mirë të elitës kosovare sivjet.

34 vjeçari ka një përvojë të bujshme pas vetes, për faktin se ka ndeshje të zhvilluara edhe në NBA me San Antonio Spurs gjatë vitit 2013 dhe pas kësaj aventure në NBA, Fells ka luajtur në shumë ekipe e në Evropë me AEL Limassol, Keravnos(Qipro), Galil Gilboa, Hapoel Jerusalem e Galil Elyon (Izrael), Usak Sportif e Trabzonspor (Turqi), Virtus Bologna (Itali) e shumë skuadra tjera jashtë Evropës.

Me afrimin e Fellsit natyrisht që Peja ka shtuar një ‘armë’ të fuqishme në skuadër në luftë për trofe.