SUPER-EKSKLUZIVE: ISH-NBA LOJTARI RODNEY PURVIS TRANSFEROHET TE TREPÇA [VIDEO]

Prishtinë(AsistiOnline) – Skuadra mitrovicase e Trepçës do të pëforcohet edhe me një lojtar madje me përvojë në ligën më të fortë të basketbollit në botë, NBA.

AsistiOnline.com ka arritur të mësojë ekskluzivisht se drejtuesit e Trepçës kanë arritur marrëveshje bashkëpunimi me plejmejkerin amerikan, Rodney Purvis.

28 vjeçari është i gjatë 193 centimetra dhe te Trepça vije pas një përvoje të shkurtër prej 5 ndeshjeve në Uruguai me Hebraican tek të cilët kishte mesatare prej 10 pikëve, 3.2 asisteve e 3.2 kërcimeve për ndeshje, derisa këtë sezon ai kishte luajtur edhe me Cherkasky Mavpyn në Ukrainë me 10.3 pikë, 3.8 asiste e 2.3 kërcime në 19 ndeshje.

Para përvojsë në Evropë, Purvis kulmin e karrierës e kishte në NBA, ku kishte depërtuar pa draft dhe kishte rënë në sy tek Utah Jazz në ligën verore më 2017 e më pas kishte luajtur zyrtarisht me Orlando Magic në stinorin 2017/18, ku në 16 ndeshje ishte paraqitur me mesatare, 6 pikë, 1.7 kërcime e 1.1 asist për ndeshje, derisa nga Magic ai në NBA u shkëmbye edhe te skuadrat e Oklahomas, Bostonit dhe Miamit, por aty nuk kishte paraqitje zyrtare.

Pas aventurës në NBA, Purvis erdhi në Evropë ku luajti me Hapoel Tel Avivin në stinorin 2019/20, por një kohë edhe në Serie A të Italisë me Cantun, derisa në 2020/21 luajti te Bergamo poashtu në Itali, por në këtë stinor luajti pak edhe te Szczecini në Poloni.

Kjo është një përmbledhje e karrierës së lojtarit që pritet të vije te Trepça dhe këta të fundit me të synojnë titullin e kampionit të Kosovës pa asnjë dyshim.

/AsistiOnline.com/