YLLI TRIUMFON NDAJ RAHOVECIT, FITORE ME VLERË TË DYFISHTË

Prishtinë(AsistiOnline) – Golden Eagle Ylli e ka mposhtur sonte Rahovecin në kuadër të xhiros 11 në Ligën Unike.

Therandasit mposhtën rivalin rajonal, Rahovecin me shifrat përfundimtare 91-80, fitore kjo që vlen edhe për Ligën Unike, por edhe për ArtMotion Superligën e Kosovës.

Pjesa e parë e ndeshjes ishte më interesante me Yllin që fitoi çerekun e parë 24-18, derisa i dyti i takoi Rahovecit 20-23 e pjesë loja e parë e duelit u mbyll ngushtë 44-41.

Në të dytën, Ylli e fitoi çerekun e tretë goxha bindës (23-14) dhe kjo ishte perioda më e mirë e ndeshjes për ta që ju solli fitoren, Rahoveci e fitoi ngushtë çerekun e fundit (24-25) dhe kësisoji e kishte të pamundur rikthimin.

Komplet pesëshja startuese e Yllit sonte arriti pikë dyshifrore, ku u veçua Erjon Kastrati me 28 pikë, Henrik Shirko kishte 19, Gëzim Morina e Malcolm Grant shtuan nga 13 dhe Mikaile Tmusiq poashtu 12 sosh.

Te Rahoveci ishin të pamjaftueshëm për fitore, Tj Dunans me 21 pikë, Ivan Koljeviq me 19, Fis Rugova mne 17 e Musab Mala që shtoi 16 sosh.

Pas xhiros 11, Ylli vazhdon ti prijë tabelës së Ligës Unike me 9 fitore e vetëm 1 humbje, derisa Rahoveci gjendet i 6-ti me 4 fitore e 7 humbje.

Në xhiron e ardhshme, Rahoveci e pret Vllazninë e Ylli i shkon Kamzës.

/AsistiOnline.com/