YLLI ME FITOREN E RADHËS NË UNIKE, KËSAJ HERE THELLË NDAJ KAMZËS

Prishtinë(AsistiOnline) – Golden Eagle Ylli e ka vazhduar formën e lartë në Ligën Unike edhe pas xhiros 12.

Skuadra therandase ka triumfuar sonte në Shqipëri ndaj Kamzës me rezultatin final dhe të thellë 56-89.

Sfida nuk kishte ndonjë historik me mysafirët që dominuan të gjitha periodat (13-31, 19-28, 16-19, 8-11) për të fituar thellë dhe pa telashe në fund.

Erjon Kastrati ishte individi më i dalluari i Yllit sonte në këtë fitore me 20 pikë, gjersa u dalluan edhe Henrik Shirko me 19, Chris Harris me 14, Gëzim Morina me 11 e Malcolm Grant me 10 sosh.

Te Kamza u dalluan, Eric Williams me 18 pikë dhe Edison Gjoka me 14 sosh.

Pas xhiros 12, ylli vazhdon të prijë bindshëm në tabelë me 11 fitore e vetëm 1 humbje, ndërsa Kamza mbetet e fundit me 2 fitore e 10 humbje.

Në xhiron e ardhshme, Kamza e pret Rahovecin e Ylli luan në shtëpi ndaj Tiranës.

/AsistiOnline.com/