EKSKLUZIVE: KONTRAVERZI IVAN KOLJEVIQ LARGOHET EDHE NGA RAHOVECI

Prishtinë(AsistiOnline) – Basketbollisti malazez, Ivan Koljeviq vazhdon të mos bëhet rehat me skuadrat tona kosovare duke lënë në ‘baltë’ edhe ekipin e radhës që është Rahoveci.

AsistiOnline.com ka mësuar ekskluzivisht se veterani nga Cetinje tashmë është larguar edhe nga skuadra e Rahovecit tek të cilët kishte ardhur para pak javësh.

Koljeviq te Rahoveci u paraqit gjithsejt në 9 ndeshje, 4 në Superligën e Kosovës dhe 5 sosh në Ligën Unike.

Sipas asaj që ka mësuar AsistiOnline.com, 38 vjeçari është larguar nga ‘vreshtarët’ menjëherë pas humbjes së Rahovecit nga Prizreni 16 në çerekfinale të Ligës Unike, duke marrë rrugën për Mal të Zi.

Të kujtojmë se basketbollisti në fjalë ishte larguar në formë mjaftë kontraverze fillimisht edicionin e kaluar nga Trepça, pastaj para pak javësh nga Prizreni 16 dhe së fundmi edhe nga Rahoveci.

/AsistiOnline.com/