DERBI I XHIROS 25, SOT NË ”KARAGAÇ” TË PEJËS

Prishtinë(AsistiOnline) – Xhiro e 25-të e elitës së basketbollit kosovar mbyllet sot me dy super-ndeshje.

Ndeshja e parë e ditës dhe cilësuar si derbi i xhiros me të drejtë, zhvillohet në ”Karagaç” të Pejës.

Skuadra verdhezi, KB Peja e pret në shtëpinë e vet rivalin e kahershëm nga Mitrovica, Trepçën.

Deri tani, pejanët kanë 15 fitore e nëntë humbje, duke u renditur në vendin e tretë, kurse mitrovicasit kanë 17 fitore e shtatë humbje, duke u renditur në vendin e dytë.

Ndeshja nis nga ora 17:00 dhe transmetohet direkt në ArtSport 1 si dhe Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/