DITA E SOTME NIS ME DERBI NË BASKETBOLLIN KOSOVAR

Prishtinë(AsistiOnline) – Sot mbyllet xhiro 26 e ArtMotion Superligës së Kosovës me dy duele shumë interesante në program.

Derbi i parë i ditës dhe i komplet xhiros zhvillohet mes vendit të katërt dhe të tretë në tabelë.

Prizreni 16 dhe Peja ndeshen mes vete për fitore e cila do t’ju ndihmonte për rangim final më të volitshëm para ”play off”-it.

Deri tani, prizrenasit kanë 15 fitore e dhjetë humbje, ndërsa pejanët 16 fitore e nëntë humbje.

Ndeshja nis nga ora 17:00 dhe transmetohet direkt në Artmotion dhe Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/