ALBAN VESELI – LOJTARI QË PO SHKËLQEN TE BASHKIMI NË NDESHJET VENDIMTARE

Prishtinë(AsistiOnline) – Skuadra e Bashkimit sivjet po rrezikon mjaftë shumë në elitën e basketbollit kosovar, për play off, por edhe për play out, por me fitoren e sontme kanë parë dritë në fund të tunelit.

Me gjithë telashet e sivjetme, portokallinjët në xhirot e fundit kanë arritur t’i marrin dy fitore në tri ndeshje dhe njëri prej kontribuesve kryesor padyshim që ka qenë, Alban Veseli.

Basketbollisti me shumë përvojë duket se ka qenë goditje e qëlluar në merkaton dimërore te prizrenasit pasi në duelet e fundit e sidomos sonte ndaj Prizrenit ishte njeriu kryesor në fitore me plotë 25 pikë, (5/7 për treshe), por shtuar edhe 5 kërcime, 4 asiste e 1 vjedhje topi.

Veseli kontribut të madh pati edhe në fitoren e madhe ndaj Rahovecit, rivalit direkt dhe ish-ekipit, ku luajti me 15 pikë, 7 kërcime e 2 asiste.

Sigurisht që lojtarët si Albani e plotësojnë basketbollin e Kosovës me kënaqësi në parket, ngase sharmi i tyre është krejtësisht i veçantë dhe kontributi i tyre është i pashmangshëm.

/AsistiOnline.com/