DERBI I GJYSMËSFINALES MES PEJËS DHE PRIZRENIT 16

Prishtinë(AsistiOnline) – Dueli i dytë gjysmëfinal i Ligës Unike pritet të jetë goxha i nxehtë në parket.

Në këtë sfidë takohen, Peja dhe Prizreni 16 që janë ndeshur dy herë në garat e rregullta e ku pejanët shënuan dy fitore.

Në elitën e basketbollit të Kosovës këto dy ekipe janë përballur katër herë, ku në gjitha ndeshjet fituan pejanët.

Verdhezinjtë përfunduan garat e rregullta në vendin e dytë, ndërsa prizrenasit në vendin e tretë dhe në çerekfinale të “Play-off”-it kishin mundur Rahovecin

Ndeshja nis nga ora 20:30 dhe transmetohet në Platformën ArtMotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/