PEJA ARRIN FINALEN E MADHE, KOMPLETOHEN FINALISTËT E UNIKES

Skuadra e Pejës është finalisti i dytë i Ligës Unike për këtë edicion.

Ekipi verdhezi ka arritur të triumfojë ndaj Prizrenit 16 në një super-ndeshje me shifrat e ngushta 98-94.

Pejanët ishin duke humbur në pjesën e parë (23-24, 23-23) me një pikë avantazh 47-46, madje humbën edhe çerekun e tretë (22-28), por në periodën e fundit u mobilizuan dhe falë një performance fantastike arritën të përmbysin gjithçka për të fituar në fund me shumë meritë.

Courtney Fells shkëlqeu sonte ndaj ish-ekipit me 31 pikë (6 treshe), derisa lojë fenomenale treguan edhe Dardan Berisha me 24 pikë e Stephen Maxwell me 17 sosh, vlen të ceket edhe performanca e madhe e Daniel Lekndreajt sidomos në mbrojtje me 11 kërcime, prej tyre 6 në sulm.

Derisa te Prizreni 16 ishin të pamjaftueshëm për fitore, Xavier Cannefax e Darell Davis me nga 20 pikë, si dhe Arti Hajdari me 18 sosh.

Me këtë fitore, Peja arrin të kualifikohet në finale të Ligës Unike e cila zhvillohet nesër nga ora 20:30.

Në finale Peja do të takohet me Golden Eagle Yllin, derisa Prizreni 16 luan për vendin e tretë ndaj Teutës.

/AsistiOnline.com/