PRISHTINA ELIMINOHET NË ÇEREKFINALE TË LIGËS BALLKANIKE

Prishtinë(AsistiOnline) – Sigal Prishtina është eliminuar nga garat e sivjetme në Ligën Ballkanike.

Kryeqytetasit e Kosovës humbën duelin e dytë të serisë ndaj Balkan Botevgradit me shifrat e thella 82-63.

Edhe pse e kishin fituar ndeshjen e parë në Prishtinë 85-83, bardhekaltërve ju kushtoi humbja e sotme me eliminim, shkaku i koshdallimit.

Christian Jones ishte enigmë e pazgjidhur për Prishtinën sonte, duke realizuar 27 pikë për fitoren e Ballkanit, derisa u ndihmua edhe nga Derrick Marks me 14 pikë dhe Ahmaad Rorie me 12 e Nikolay Grozev me 11 sosh.

Te Prishtina sonte me lojë të mirë u dalluan, Meriton Ismaili me 16 pikë e Dachon Burke me 10 sosh.

Me këtë humbje, Prishtina e mbylli stinorin e sivjetm në Ligën Ballkanike në çerekfinale dhe s’mundi ta arrijë ”Final Four”-in që ishte qëllim madhor i klubit.

/AsistiOnline.com/