THERANDASIT DHE DURRSAKËT NË GJYSMËFINALEN E PARË TË UNIKES

Prishtinë(AsistiOnline) – Sot nis Final Fouri i Ligës Unike mbarëkombëtare te konkurenca e meshkujve.

Dueli i parë zhvillohet mes ekipit kosovar të Golden Eagle Yllit dhe atij shqiptar të Teutës.

Ylli kishte përfunduar garat e rregullta me 13 fitore dhe vetëm një humbje. Humbja e vetme ishte pikërisht nga Teuta e Durrësit me rezultat 78:71, por më pas kishin fituar therandasit 73:59. Durrësakët kishin përfunduar garat në vendin e pestë, e më pas në çerekfinale të “Play-off”-it mundën Tiranën.

Ndeshja nis nga ora 17:00 dhe transmetohet në Platformën Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/