ARLIND KONJUHI SHKËLQEN KUNDËR TË BIRIT TË LEGJENDËS SË NBA-SË, HAKEEM OLAJUWON [VIDEO]
Prishtinë(AsistiOnline) – Se Arlind Konjuhi tashmë po formësohet në një yll të basketbollit, kjo nuk do fare koment, porse shkëlqimi i tij në SHBA po vazhdon me hapa të sigurtë e dëshmon çdo paraqitje e tij.
Në duelin e fundit të stinorit me Gjimnazin ”Cy Fair” në Houston, Arlindi si zakonisht edhe këtë duel ishte lojtari më i dalluar i ndeshjes, por ajo çfarë bie në sy ishin pikët e shënuara, ku super-talenti me prejardhje nga Kosova kishte 20 pikë në këtë ndeshje, karshi 15 pikëve të shënuara nga djali i legjendës së NBA-së, Hakeem Olajuwon.
Vlen të ceket se kjo paraqitje bravoroze e Arlindit nga ky duel u bë lajm edhe në mediat lokale në SHBA dhe padyshim që momentalisht nëse ka ndonjë lojtar perspektiv nga Kosova që mund ta prek NBA-në në të ardhmen, padyshim ky pritet të jetë Arlind Konjuhi i cili përgjatë tërë stinorit me ekipin, shkëlqeu në të gjitha aspektet.
Arlindi në fillimin të vitit i ka mbushur 16 vite mbi supe, por interesimi i kolegjeve në SHBA, për ta pasur në radhët e veta atë, që nga tash është shumë i madh dhe evident.
Në vijim ju lëmë me kronikën e përgatitur nga një televizion i atjeshëm për ndeshjen, ku përmendet në veçanti emri i Arlindit si lojtar i dalluar i ndeshjes:
Komentet janë të mbyllura.