PRIZRENI 16 E FITON DUELIN E PARË ÇEREKFINAL NDAJ SIGAL PRISHTINËS

Prishtinë(AsistiOnline) – Prizreni 16 e ka nisur me fitore të madhe ”play off”-in e ArtMotion Superligës së Kosovës.

Prizrenasit kanë fituar ndaj Prishtinës në ”Sezai Surroi” sonte me shifrat e përgjithshme 95-87.

Rrjedha e ndeshjes ishte e ngushtë me vendasit që fituar çerekun e parë (29-25), derisa i dyti i takoi ngushtë Prishtinës (18-20) dhe Prizreni 16 shkoi në pushim me avantazh të lehtë 47-45.

Në pjesën e dytë vazhdoi loja e ngushtë me Prishtinën që e fitoi minimalisht çerekun e tretë 27-28, por Prizreni 16 u tregua fantastik në periodën e fundit dhe vendimtare (21-14) e cila i siguroi fitoren e madhe sonte.

Arti Hajdari ishte enigmë e pazgjidhur sonte për skuadrën prishtinase, duke shënuar plotë 35 pikë, derisa u ndihmua edhe nga Xavier Cannefax me 21 pikë, Darrell Davis me 18 dhe Urim Zenelaj me 12 sosh.

Te Prishtina Jetmir Zeqiri shënoi 23 pikë e Jan Palokaj shtoi 20 sosh, por s’mjaftuan për fitore.

Prizreni 16 tash e merr avantazhin e serisë çerekfinale ndaj Prishtinës 1-0 dhe ndeshja e dytë luhet të dielën në Prishtinë, gjersa ekipi që arrin dy fitore plasohet në gjysmëfinale.

/AsistiOnline.com/