BAYERNI E MPOSHT BARÇËN, SERIA ÇEREKFINALE SHKON NË NDESHJEN E PESTË

Prishtinë(AsistiOnline) – Bayerni i Mynihut e ka arritur një fitore të madhe në shtëpi sonte ndaj Barcelonës në duelin e katërt të serisë çerekfinale të Euroligës.

Ekipi bavarez e mposhti gjigantin e basketbollit spanjoll, Barcelonën në Mynih me shifrat 59-52.

Pothuajse i gjithë ekipi i Bayernit sonte shënoi pikë në këtë fitore tepër të vlefshme e më të dalluarit ishin, Nick Weiler-Babb me 12 pikë e Othello Hunter me 9 sosh.

Te Barcelona nuk mjaftuan kurrsesi për fitore, Alex Abrines me 12 pikë e Rokas Jokubaitis me 8 sosh.

Me këtë fitore të Bayernit, seria barazohet në 2-2 dhe ndeshja e pestë e vendimtare zhvillohet të dielën në Spanjë. Sfidë e cila do të përcaktojë ekipin e radhës që i bashkohet Real Madridit dhe Anadolu Efesit në ”Final Four”.

/AsistiOnline.com/