PEJA FITON DRAMËN NDAJ BASHKIMIT, KUALIFIKOHET NË GJYSMËFINALE TË ”PLAY OFF”-IT

Prishtinë(AsistiOnline) – Skuadra e Pejës është ekipi i tretë që arrin gjysmëfinalen e ”play off”-it në elitën kosovare.

Skuadra pejane sonte arriti të triumfojë në duelin e dytë radhazi ndaj Bashkimit me shifrat e ngushta 75-77.

Peja e nisi duelin e sontëm më mirë duke e fituar çerekun e parë 15-18, derisa i dyti i takoi goxha thellë Bashkimit 26-19 dhe prizrenasit shkuan në pushim mes pjesëve me avantazh 41-37.

Në pjesën e dytë, Bashkimi e fitoi edhe çerekun e tretë 20-15, derisa perioda e fundit (14-25) ishte fatale për vendasit pasiqë Peja bëri rikthimin e madh dhe fitoi ndeshjen.

Katër lojtarë arritën pikë dyshifrore te Peja sonte, Darrius Washington (28), Stephen Maxwell e Copurtney Fells (13) dhe Arian Qallaku (10).

Te Bashkimi ishin të pamjaftueshëm për fitore, Corey Ross me 22 pikë e Alban Veseli me 17 sosh.

Me këtë fitore dhe seri të përgjithshme 2-0, Peja kualifikohet në gjysmëfinale të elitës kosovare atje ku e pret Trepça.

/AsistiOnline.com/