KAMPIONI AKTUAL DHE AI I SHUMËFISHTË, NISIN SONTE SERINË GJYSMËFINALE

Prishtinë(AsistiOnline) – Sot nis seria gjysmëfinale e ”play off”-it të ArtMotion Superligës me dy skuadra shumë të respektuara në basketbollin e Kosovës.

Kampioni aktual i vendit, Golden Eagle Yllit si ekip me përparësinë e terenit vendas e sfidon në shtëpi klubin më të trofeshëm shqiptar, Sigal Prishtinën.

Ylli ishte lider në garat e rregullta dhe kampion aktual, ndërsa prishtinasit në çerekfinale eliminuan Prizrenin 16. Në garat e rregullta therandasit kishin 22 fitore e gjashtë humbje, kurse prishtinasit 15 fitore e 13 humbje.

Në katër përballjet direkte të këtij edicioni, katër fitore shënoi skuadra nga Theranda. Të dy skuadrat synojnë të nisin me fitore serinë e play-off-it të gjysmëfinaleve.

Vlen të ceket se seria vijon me 2-2-1 ndeshje, pra dy sfidat e para luhen në terrenin e Yllit, derisa seria eventuale në sfidën e tretë bartet në Prishtinë dhe eventualisht me sfidën e katërt poashtu në Prishtinë e nëse shkohet në duelin e pestë, sfida vendimtare zhvillohet në Therandë, pra skuadra që arrin tri fitore, kalon në finalen e madhe.

Ndeshja e sontme zhvillohet nga ora 20:30 dhe transmetohet direkt në ArtMotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/