YLLI DHE PRISHTINA SONTE ZHVILLOJNË DUELIN E DYTË GJYSMËFINAL

Prishtinë(AsistiOnline) – Sonte zhvillohet përballja e dytë e serisë gjysmëfinale të ”play off”-it në elitën e basketbollit kosovar mes Golden Eagle Yllit dhe Sigal Prishtinës.

Ylli do jetë sërish vendas ndaj Sigal Prishtinës, ku takimin e parë e fitoi bindshëm 73:48.

Kampioni aktual dhe lideri i stinorit të regullt do të mundohet të shënojë fitore edhe në përballjen e dytë, në mënyrë që të jetë më afër finales, kurse prishtinasit pasi pësuan humbje të thellë në sfidën e parë kërkojnë fitoren për të barazuar serinë gjysmëfinale.

Në garat e rregullta, Ylli kishte përfunduar si lider me 22 fitore e gjashtë humbje, kurse prishtinasit në vendin e pestë me 15 fitore e 13 humbje, ndërsa në katër përballjet direkte fitore kanë shënuar therandasit.

Ndeshja e sontme zhvillohet nga ora 20:30 dhe transmetohet në Platformën Artmotion

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/