DONÇIQ NË FORMË, DALLASI BARAZON SERINË NDAJ PHOENIX SUNS NË 3-3

Prishtinë(AsistiOnline) – Luka Doncici me shokë me ekipin e Dallasit kanë arritur fitore të madhe në serinë çerekfinale të Konferencës Perëndimore në NBA.

Dallasi arriti ta mposht Sunsin me shifrat goxha të thella 113-86.

Slloveni, Luka Donçiq që ishte afër shufrave magjike triple-double prej 33 pikëve, 11 kërcime e 8 asiste, ishte njeriu kryesor në këtë fitore madhore të Mavs, derisa pati ndihmë edhe nga Reggie Bullock me 19 pikë e Jalen Brunson me 18 sosh.

Te Suns me lojë të mirë u dalluan, Deandre Ayton me 21 pikë e 11 kërcime dhe Devin Booker me 19 pikë.

Me këtë fitore të Dallasit, seria me Suns barazohet në 3-3 dhe gjysmëfinalisti vendoset në duelin e shtatë që zhvillohet me 15 maj në Phoenix.

Fituesi i kësaj sfide takohet në serinë gjysmëfinale me fituesin e serisë, Memphis-Golden State, atje ku seria mes dy ekipeve është 2-3 në favorin e Warriors.

/AsistiOnline.com/