GOLDEN STATE WARRIORS ARRIJNË FINALEN E PERËNDIMIT

Prishtinë(AsistiOnlie) – Gjashtë herë kampioni i NBA-së, Golden State Warriors ka arritur në finale të Konferencës Perëndimore në NBA.

Kjo pasiqë gjatë mesnatës që po lëmë pas, skuadra e drejtuar nga Steve Kerr e mposhti në duelin e gjashtë të serisë, Memphis Grizzlies-in me rezultat 110-96.

Për këtë fitore të Warriors kësaj radhe u përkujdesën, Klay Thompson me 30 pikë, 8 kërcime e 2 asiste, Stephen Curry me 29 pikë, 7 kërcime e 5 asiste dhe Andrew Wiggines me 18 pikë e 11 kërcime.

Te Grizzlies ishin të pamjaftueshëm për t’a barazuar serinë, Dillon Brooks me 30 pikë dhe Desmond Bane me 25 sosh.

Me këtë triumf dhe seri të përgjithshme 4-2, Golden State Warriors kaluan në finale të Perëndimit në NBA, ku do të ndeshen me fituesin e serisë mes Phoenix Suns dhe Dallas Mavericks ku seria aktuale është 3-3.

/AsistiOnline.com/