PEJA DHE TREPÇA SOT ZHVILLOJNË DUELIN E KATËRT GJYSMËFINAL

Prishtinë(AsistiOnline) – Sot zhvillohet dueli i katërti serisë gjysmëfinale mes Pejës dhe Trepçës në kuadër të ”play off”-it të ArtMotion Superligës së Kosovës.

Ndeshjet gjysmëfinale mes dy skuadrave me traditë në basketbollin e Kosovës kanë qenë shumë interesante, ku në tri ndeshjet fitore shënuan vendasit. Në dy takimet e para, fituan mitrovicasit, 75:68 dhe 107:105, që u përcaktua pas dy vazhdimeve.

Përballjen e fundit e fituan pejanët 72:66, që ishte shumë interesante dhe me rikthime.

Mitrovicasit janë duke udhëhequr serinë 2:1, ndërsa skuadra që shënon tri fitore kualifikohet në finale, ku e pret Golden Eagle Ylli.

Takimi i sontëm pritet të jetë shumë interesant me verdhezinjtë, që do të mundohen të barazojnë serinë gjysmëfinale në 2:2 dhe mitrovicasit që duan të kualifikuan në finale pas një dekade.

Ndeshja zhvillohet nga ora 20:30 dhe transmetohet në Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/