WARRIORS E NISIN FINALEN E PERËNDIMIT ME FITORE TË THELLË NDAJ DALLASIT

Prishtinë(AsistiOnline) – Golden State Warriors e ka nisur serinë finale të Konferencës Perëndimore në NBA me fitore të thellë ndaj Dallas Mavericks.

Duke e bërë dallimin që në start, Warriors në këtë duel e kishin avantazhin tërë kohën dhe në fund fituan me shifrat e thella 112-87 apo plotë 25 pikë diferencë në rezultat.

Stephen Curry me 21 pikë dhe Jordan Poole e Andrew Wiggins me nga 19 sosh, ishin prej individëve më të dalluar të skuadrës së Steve Kerr në këtë fitore.

Në anën tjetër te Dallasi, Luka Doncic kishte 20 pikë e Spencer Dinwiddie shtoi 17 sosh.

Me këtë fitore, Golden State merr avantazhin e serisë finale konferenciale ndaj Mavs në 1-0 dhe ndeshja e dytë zhvillohet me 21 maj.

Të kujtojmë se skuadra që arrin katër fitore, kualifikohet në finalen e përgjithshme të NBA-së.

/AsistiOnline.com/