MIAMI HEAT MERR PËRSËRI AVANTAZHIN E SERISË NDAJ BOSTONIT

Prishtinë(AsistiOnline) – Miami Heat e ka rikthyer përsëri epërsinë e fitoreve ndaj Boston Celtics në Konferencën e Lindjes në NBA.

Heat mposhtën Bostonin me shifrat e ngushta 103-109, por arritën një fitore me vlefshmëri të madhe.

Bam Adebayo me 31 pikë, 10 kërcime e 6 asiste, P. J. Tucker me 17 pikë dhe Max Strus me 16 pikë, ishin tre individët e dalluar të Miamit në këtë triumf.

Derisa te Bostoni s’mjaftoi performanca e Jaylen Brown që realizoi 40 pikë e 9 kërcime e as Al Horford që kishte 20 pikë e 14 kërcime.

Miami Heat e merr përsëri avantazhin e finales së lindjes 2-1 në seri, gjersa dueli i katërt zhvillohet me 24 maj në Boston.

/AsistiOnline.com/