SONTE FINALJA E KATËRT, TREPÇA DO E BARAZOJË SERINË APO YLLI E MBRON TITULLIN?

Prishtinë(AsistiOnline) – Sonte zhvillohet dueli i katërt i serisë finale në ArtMotion Superligën e Kosovës mes Trepçës dhe Yllit.

Bilanci aktual mes dy ekipeve është 2-1 në favorin e ekipit të Yllit me Trepçën që hyn në sfidën e katërt pas një fitore të ëmbël në Therandë ku e ngushtoi serinë.

Sfida e sontme pritet të jetë tepër interesante, për faktin se zhvillohet në palestrën që mbledh më së shumti publik në duelet e basketbollit kosovar, por edhe se rëndësia e duelit është e veçantë.

Në dy takimet e para fitoi Ylli, me shifrat 63:62 dhe 46:60 në Mitrovicë, kurse ndeshjen e fundit në Therandë, e fituan ‘Xehetarët’ me rezultat 55:58.

Sfida e sotme fillon nga ora 20:30 dhe transmetohet në njërën nga kanalet vendore të sportit (KSport1) në Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/