KONFIRMOHET LAJMI I ASISTIT, EKREM MEMNUN RIKTHEHET ZYRTARISHT TE PRISHTINA
Prishtinë(AsistiOnline) – Ekrem Memnun është riktheyer zyrtarishtt te KB Prishtina.
Ashtu siç raportoi ekskluzivisht AsistiOnline.com gjatë fillimit të kësaj jave, ashtu edhe doli, sepse skuadra kosovare e Prishtinës sonte e zyrtarizoi në krye të ekipit, timonierin e famshëm nga Turqia, Ekrem Memnun.
Njeri që e drejtoi Sigal Prishtinën edhe gjatë viteve 2003-2005, rikthehet me të vetmin qëllim te bardhekaltërit, që ti rikthejë tek trofetë, pas dy stinorëve mungesë të tyre.
Ekrem Memnun rikthehet në shtëpinë e kampionëve të cilën e drejtoi për 2 vite (2003-2005). Ai vjen pas një sezoni me skuadrën e madhe turke e Galatasaray tek meshkujt, por me një përvojë të madhe si trajner i Anadolu Efes, Daruşşafaka dhe fitues i EuroLeague me Galatasaray (femrat) dhe timonier i kombëtares turke (femrat). Ai poashtu posedon çmime individuale si: trajner i vitit në Kosovë (2005), trajner i vitit në EuroLeague (2014) dhe trajner i vitit në Superligën Turke (2015). Me ardhjen e tij në Prishtinë, do të diskutohen transferet vendore dhe të huaja të cilat do të zbulohen në javët e ardhshme”, thuhet në njoftimin e klubit prishtinas.
/AsistiOnline.com/
Komentet janë të mbyllura.