KOSOVA (U16 MESHKUJT) E MBYLL FAZËN GRUPORE ME FITORE

Prishtinë(AsistiOnline) – Përfaqësuesja e Kosovës U16 te meshkujt e ka mbyllur me fitore fazën grupore të Kampionatit Evropian – Divizioni C, që po mbahet në Prizren.

Djelmoshat tanë e kanë mposhtur sonte San Marinon me avantazh të thellë 55-27.

Komplet ekipi i Kosovës sot pati minutazhë për lojë, derisa individët më të dalluar ishin, Sejar Rama me 18 pikë, Yll Kastrati me 9 e Ervin Mullaliu me 7 sosh.

Te San Marino, Tommaso Botteghi kishte 8 pikë e Edoardo Marinelli shtoi 6 sosh.

Kosova e mbylli fazën grupore me 3 fitore nga 3 ndeshje dhe duelin gjysmëfinal e zhvillon të shtunën me Armeninë.

/AsistiOnline.com/