BASHKIMI BËN KËRKESË ZYRTARE PËR TË LUAJTUR NË LIGËN BALLKANIKE

Prishtinë(AsistiOnline) – Edhe një skuadër tjetër kosovare pritet të paraqitet për të luajtur në një garë ndërkombëtare.

Bëhet fjalë për Bashkimin e Prizrenit, që sot është konfirmuar nga Liga Ballkanike si ekip që ka paraqitur kërkesë zyrtare për të luajtur aty.

Në njoftimin e BIBL-së thuhet se Bashkimi ka bërë kërkesë zyrtare për pjesëmarrje dhe tash e pret konfirminin edhe nga Federata e Basketbollit të Kosovës, që gjithçka të kompletohet.

”KB Bashkimi dërgon kërkesë zyrtare për të luajtur në Delasport të Ligës Ballkanike sezonin 2022-23. Kërkesa është konfirmuar nga liga dhe klubi po pret që Federata e Basketbollit të Kosovës të konfirmojë pjesëmarrjen e klubit në BIBL. KB Bashkimi ka luajtur tashmë 51 ndeshje zyrtare në BIBL gjatë 4 sezoneve: 2015-16 / 2016-17 / 2017-18 / 2018-19. Arritja më e madhe e Bashkimit në BIBL ishte në sezonin 2017-18 kur arritën në ”F4” në Samokov të Bullgarisë duke mposhtur ekipin mikpritës më 14 prill 2018 me rezultat 72-71 dhe ishin kualifikuar në ndeshjen finale të sezonit kundër Levskit duke e humbur atë me rezultat 72-83.

Klubi i basketbollit Bashkimi, i njohur edhe si K.B Bashkimi ose thjesht Bashkimi, është një ekip profesionist basketbolli me seli në Prizren, Kosovë. Bashkimi është ekipi më i vjetër i basketbollit në Kosovë dhe ka garuar në ligën më të mirë profesionale të basketbollit për meshkuj në Kosovë, IP Superliga, që nga viti 1991. Është themeluar në vitin 1945 dhe është ekipi më i vjetër i basketbollit në Kosovë, dhe një nga më të vjetrit në Ballkan, Bashkimi është gjithashtu një nga ekipet më të mëdha dhe më të suksesshme të basketbollit të Kosovës, duke formuar një “katërshe të madhe” tradicionale së bashku me Prishtinën, Pejën dhe Trepçën. Tradicionalisht ka qenë ekipi sportiv më përfaqësues i qytetit të Prizrenit. Fillimisht duke garuar në garat e ish-Jugosllavisë, Bashkimi duhej t’i bashkohej sezonit të parë të Ligës së Basketbollit të Kosovës. Trofeu i fundit i fituar nga skuadra ishte Kupa e Ligës në sezonin 2002/03. 2014/15 ishte hera e parë që Bashkimi mori pjesë në një garë ndërkombëtare, kur ekipi iu bashkua Ligës Ballkanike rajonale”, shkruan tërë njoftimi i Ligës Ballkanike për Bashkimin.

Të kujtojmë se prizrenasit sivjet janë përforcuar tejet shumë dhe synojnë fitimin e trofeve në të gjitha garat ku do të bëjnë pjesë.

/AsistiOnline.com/