FILLIM I MBARË PËR ITALIANËT, LEHTË DHE THELLË NDAJ ESTONISË

Prishtinë(AsistiOnline) – Italia e ka nisur me fitore të lehtë dhe të thellë Eurobasketin 2022.

Në ndeshjen e zhvilluar në shtëpinë e tyre në Milano, italianët e mposhtën ekipin kombëtar të Estonisë me shifrat 83-62, me rrjedhën e sfidës që s’kishte ndonjë historik që vlen të ceket.

Njeriu që sivjet u transferua në NBA, Simone Fontecchio ishte individi kryesor në fitoren e Italisë sonte me 19 pikë, gjersa pati ndihmë edhe nga Nicolo Melli me 17 pikë.

Te Estonia lojë të mirë shfaqi, Kerr Kriisa që realizoi 20 pikë.

Në xhiron e dytë, Italia ndeshet me Greqinë e Estonia luan ndaj Ukrainës.

/AsistiOnline.com/