Nesër dhe pasnesër xhiro e dytë, na pret një super-vikend elitar

Prishtinë(AsistiOnline) – Nesër dhe pasnesër do të zhvillohet xhiro e dytë e Prince Caffe Superligës së Kosovës në Basketboll.

Ndeshje shumë interesante na presin në të gjitha oraret.

Xhiroja nis në Therandë atje ku kampioni aktual, Golden Eagle Ylli e pret kampionen e shumëfishtë, Sigal Prishtinën dhe pas humbjeve në xhiron e parë të dyja ekipet kërkojnë nesër fitoren.

Ndërsa në duelin e dytë të së shtunës, Ponte Prizreni takohet me Pejën. Ekipi i Arbnor Riftatit stinorin e nisi me humbje të thellë nga Trepça dhe synon ta fitoj ndeshjen e parë. Për dallim nga Peja që në këtë ndeshje hyn paksa më e relaksuar, pas fitores në xhiron e parë ndaj Prishtinës në kryeqytet.

E të dielën zhvillohen dy ndeshjet e radhës dhe tepër interesante.

Derbi i xhiros zhvillohet në ”Minatori” të Mitrovicës, atje ku Trepça e super-përforcuar e pret poashtu Bashkimin me shumë përforcime, ku të dyja ekipet në javën e parë shënuan fitore. Fitorja e dytë dhe vazhdimësia e mirë, janë pikësynim kryesor i të dyja skuadrave edhe në këtë takim.

Dhe xhiro e dytë mbyllet në Gjakovë me një sfidë tepër interesante, ku Vëllaznimi e pret në Gjakovë, Rahovecin e Mujo Thaçit. Gjakovarët rikthimin në elitë para një jave e nisën me humbje, andaj këtë xhiro presin fitore e Rahoveci pas fitores madhore ndaj kampionit aktual, synojnë të vazhdojnë me fitore edhe këtë xhiro.

Orari i ndeshjeve:

E shtunë:

Ylli – Prishtina, ora 17:00.

Prizreni – Peja, ora 19:00.

E dielë:

Trepça – Bashkimi, ora 17:00

Vëllaznimi – Rahoveci, ora 19:00.

/AsistiOnline.com/