Sportingu i Lisbonës e fiton turneun kualifikues në Mitrovicë dhe inkuadrohet në grupe të FIBA Europe Cup

Sportingu i Lisbonës ka triumfuar në kualifikimet e Grupit A të FIBA Europe Cup dhe do të jetë pjesë e grupeve në këtë garë.

Të gjitha ndeshjet kualifikuese të këtij grupi janë zhvilluar në “Minatori” të Mitrovicës, me një atmosferë fantastike dhe organizim të jashtëzakonshëm.

Portugezët në finale kanë mundur Anwerp-in e Belgjikës me shifrat 98:85.

Pjesë e grupeve të kësaj lige është edhe kampioni i Kosovës, Golden Eagle Ylli, që është përcaktuar me Hapoel Galil Elionin nga Izraeli dhe dy skuadrat gjermane, Brose Bamberg dhe Niners Chemnitz. /FBK/