Rahoveci i bën konakun Ponte Prizrenit, Koljeviq rikthehet në ”Mizahir Isma” si kundërshtar

Prishtinë(AsistioOline) – Dueli i dytë i ditës së sotme në basketbollin kosovar zhvillohet në palestrën më moderne aktualisht në vend ”Mizahir Isma”.

Skuadra nga qyteti i Vreshtave, Rahoveci i bën konakun Ponte Prizrenit, dy ekipe që për nga cilësitë sivjet janë të përafërta.

Momentalisht, Prizreni ka 2 fitore e 2 humbje, derisa Rahoveci ka 1 fitore e 3 humbje.

Një fakt që vlen të ceket nga ky takim, është se sonte Ivan Koljeviq luan ndaj ish-ekipit, Rahovecit me të cilët në stinorin e kaluar në disa ndeshje shfaqi paraqitje fantastike, por u largua pa paralajmërim nga ekipi.

Sfida me Rahovecit dhe Ponte Prizrenit starton nga ora 19:00 dhe transmetohet në kanalin e sportit, Sport2 në të gjitha platformat televizive në vend.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com