Ende pa dalur në shitje, mitrovicasit e vërshojnë biletoren para duelit ndaj Prishtinës (FOTO)

Prishtinë(AsistiOnline) – Tashmë është bërë rutinë që sa herë që luan Trepça në ”Minatori”, vendi ku shiten biletat e ndeshjes të vërshohet nga tifozët.

Njësoj vendi duket edhe sot, ku ka filluar shitja e biletave para duelit ndaj Prishtinës i mbetur nga xhiro e katërt për Superligën e Kosovës.

Në fotografitë e siguruara nga AsistiOnline.com, shihet se si hyrja për tek biletorja është bllokuar nga numri i madh i të interesuarve për ta siguruar një biletë që mundëson hyrjen në ”Minatori” për ta parë nga afër duelin.

Si, Trepça ashtu edhe Prishtina po kalojnë në formë të lartë në duelet e para të Superligës kosovare, andaj sonte pritet të jetë luftë e madhe në parket për fitore.

Dueli fillon nga ora 19:00 dhe transmetohet direkt në kanalin e sportit – KSport në të gjitha platformat televizive vendore.

/AsistiOnline.com/