Trepça dhe Prishtina sot zhvillojnë duelin e mbetur nga xhiro e katërt

Prishtinë(AsistiOnline) – Sot zhvillohet dueli i vetëm i mbetur nga xhiro e katërt e Superligës së Kosovës.

Bëhet fjalë për sfidën në mes të Trepçës dhe Sigal Prishtinës e cila do të zhvillohet në ”Minatori”.

Momentalisht të dyja ekipet po kalojnë në formë goxha të mirë, me nga 3 fitore dhe vetëm 1 humbje e sot synojnë të vazhdojnë serinë pozitive.

Dueli fillon sonte nga ora 19:00 dhe transmetohet direkt në KSport në të gjitha platformat televizive.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com