Ylli mposhtet në duelin e parë grupor të FEC nga Galil Elioni

Prishtinë(AsistiOnline) – Skuadra kosovare e Golden Eagle Yllit e ka nisur me humbje fazën grupore të FIBA Europe Cup.

Therandasit janë mposhtur në cilësinë e vendasit nga Galil Elioni me rezultatin final 76-93.

Përveç çerekut të parë i cili nisi perfekt për Yllin dhe e mbylli në avantazh (23-20), pothuajse komplet pjesa tjetër e duelit i takoi ekipit mysafir (12-28, 19-24), Ylli e fitoi minimalisht edhe çerekun e fundit (22-21), por që s’ndikoi asgjë në ndeshje.

Rashun Davis me 18 pikë ishte lojtari më i mirë te Ylli sonte, gjersa Valon Bunjaku kishte 13, Henrik Shirko 12, Ismet Sejfic 11 e Jay Threatt 10 sosh.

Në duelin e dytë, Golden Eagle Ylli udhëton në Gjermani për tu ndeshur me Chemnitzin në javën tjetër.

/AsistiOnline.com/