Aulona Muhadri përzgjedhet MVP e javës te Superliga e Femrave

Xhiroja e parë në Superligën e Femrave dhuroi ndeshje mjaft interesante.

Derbi u zhvillua ndërmjet Bashkimit dhe Penzës, ku skuadra prizrenase e nisi me fitore.

Basketbollistja më e dalluar ishte Aulona Muhadri. Kapitenia kishte dyshifror të dyfishtë me 14 pikë, 13 kërcime dhe dy asistime. Ajo ishte e saktë në tri tentimet për dy pikë dhe tetë herë nga gjuajtjet e lira.

Kujtojmë se Muhadri është pjesë e Përfaqësueses së Kosovës te femrat dhe ajo është ringjallur si lojtare sivjet, sidomos me ardhjen e trajnerit kroat, Viktor Kovaç i cili duket se e ka formulën e aktivizimit të Muhadrit.

Realisht, Aulona edhe në të kaluarën ka qenë prej lojtareve më perspektive në basketbollin kosovar femëror, falë edhe gjatësisë së konsiderueshme që ka.