Lajmi i fundit: FBK Ndalon udhëtimet e tifozëve mysafirë

Federata e Basketbollit të Kosovës para pak çastesh ka publikuar një vendim të ri të bordit të saj.

Në njoftim thuhet se konform nenit 23 të statutit të FBK-së, bordi ka marrë vendim që të ndalojë udhëtimet e tifozëve mysafirë.

Në arsyetim për ndaljen e udhëtimeve te tifozëve mysafirë, FBK pëmend disa nga ngjarjet e fundit që kanë ndodhur me tifozët në ndeshjet e basketbollit dhe për të evituar probleme edhe më të mëdha në të ardhmen, ka vendosur për një hap të tillë.

Njoftimi i plotë dhe pa ndërhyrje:

Bordi i Federatës së Basketbollit të Kosovës (FBK) konform nenit 23 të Statutit të FBK-së ka marrë vendim që të ndalojë udhëtimin e tifozëve mysafirë në mënyrë të organizuar në ndeshjet e Prince Caffe Superligës së Kosovës deri në fund të edicionit 2022/23 dhe ky vendim do të vlejë vetëm për ndeshjet e organizuara nga klubet, e jo në ndeshjet dhe eventet e organizuara nga Federata e Basketbollit e Kosovës (si Superkupa, Final 8 etj).

Bordi i FBK-së ka qenë i detyruar të marrë një vendim të tillë, duke u bazuar në disa nga ngjarjet e fundit që kanë ndodhur me tifozët në ndeshjet e basketbollit dhe për të evituar probleme edhe më të mëdha në të ardhmen, atëherë Bordi ka vendosur të ndërmarrë masa në këtë drejtim.

Ky vendim hyn në fuqi në ditën e miratimit të tij.

Në emër të Bordit të FBK-së,

Arben FETAHU

Kryetar

Federata e Basketbollit e Kosovës