Rahoveci e zyrtarizon amerikanin Braxton Huggins

Prishtinë(AsistiOnline) – Skuadra e Rahovecit e ka transferuar në radhët e veta një basketbollist të ri amerikan.

Bëhet fjalë për lojtarin amerikan, Braxton Huggins, lojtar i pozitës 2 i cili do të përforcojë radhët e ‘vreshtarëve’.

Ai do të jetë në dispozicion të trajnerit, Muhammed Thaçi, për ndeshjen ndaj KB Bashkimit e shtunë, 19:00.

Ky lojtar ka lindur në Bakersfield dhe është 25 vjeçar ai është i gjatë 193cm

Sa i përket karrierës, Braxton Huggins ka luajtur në disa kampionate elitare evropiane, teksa në NCAA ka luajtur në Fresno State dhe New Mexico.

Aventura e fundit e tij ishte Tartu Ulikool Maks të kampionatit letonez/estonez.

Ai njihet për shkathtësitë e tij në sulm, me një përqindje të lartë për 3 pikë dhe depërtimet karakteristike, teksa në mbrojtje bën gjithçka, pra është edhe mbrojtës i dalluar.