Veseli: Duelet me Prishtinën më shumë sesa ndeshje, udhëtojmë vetëm për fitore

Prishtinë(AsistiOnline) – Trepça udhëton sot drejt Prishtinës, për tu ndeshur me ekipin bardhekaltër në kuadër të xhiros së 11-të në elitën e basketbollit kosovar.

Ndihmës-trajner i ekipit mitrovicas, Brahim Veseli në një prononcim për AsistiOnline.com. është shprehur i bindur në rezultat pozitiv, para ndeshjes me ekipin e Prishtinës.

”Besoj që jemi përgatitur mirë, gjatë gjithë javes kemi punuar në aspektin taktik, kemi analizuar mirë lojën e Prishtinës edhe besoj që do të dalim mirë. Normal ndeshjet me Prishtinën gjithmonë kanë qenë, më shumë se sa një ndeshje, e dimë që na pret një ambient i zjarrtë, por jemi përgatitur edhe në këtë aspekt. Do të jetë lojë e fortë si nga Prishtina, ashtu edhe nga ana jonë. E dimë që Prishtina, nuk na pret që të na dhurojë fitoren, kështu që ne do të shkojmë edhe të tregojmë basketboll te bukur. Besoj që do dalim mirë, udhëtojmë vetëm për fitore”, tha Veseli.

/AsistiOnline.com/